​Атырау облысында бір тәулікте 7 адам Covid-19 жұқтырған

Атырау облысында коронавирус инфекциясын тарату жалғасуда, деп хабарлайды облыстық Денсаулық сақтау басқармасының баспасөз қызметі. 

Соңғы тәулікте өңірде коронавирустық инфекциямен 7 науқас анықталды. Атап айтқанда, Атырау қаласында Covid-19 жұқтырудың 5 жағдайы расталды. Жылыой ауданында  - 1, Мақат ауданында - 1 науқас анықталды. 

Коронавирус инфекциясы бар 5 науқаста ауру тиісті белгілермен өтуде, 2 адамда ауру белгілері жоқ. 

Өткен тәулікте облыста коронавирустан 8 адам емделді.

Қазір 120 адам үй жағдайында, модульдік ауруханада - 62, аудандық инфекциялық стационарларда - 27, Теңіз кен орнындағы инфекциялық стационарда - 17 науқас емделіп жатыр.

Айта кетейік, инфекцияның таралу қарқыны бойынша Атырау облысы "жасыл" аймақта.