Ресей тұрғыны Германиядан Қазақстанға экстрадицияланды

1 566 просмотра

Алаяқтық жасады деген күдікті Ресей азаматы Германиядан Қазақстанға экстрадицияланды, - деп хабарлайды Tengrinews.kz тілшісі Бас прокуратураның баспасөз қызметіне сілтеме жасап.

"Қазақстан Республикасының Бас прокуратурасы мен Ішкі істер министрлігі қызметкерлері халықаралық іздеуде жүрген Ресей азаматы Шубин Сергей Валерьевичті Германиядан экстрадициялады", - делінген хабарламада.

Ресей азаматы неміс ет өңдеу жабдықтарын жеткізіп береміз деген желеумен Ақмола облысынан келген кәсіпкердің 170 мың еуро (84,4 миллион теңге) қаражатын алаяқтық жолмен алды деген күдікке ілінді.

Қазақстан мен Германия арасында іздеуде жүрген адамдарды экстрадициялау туралы келісімді Бас прокуратура халықаралық құқықта қолданылатын өзара түсіністік қағидаты негізінде жасағаны айтылды.

Қазіргі уақытта Шубин Нұр-Сұлтандағы уақытша ұстау изоляторына қамалған.

3 желтоқсан 2021, 10:07

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.