«Hi-tech» жедел-алдын алу іс-шарасы барысында Атырау облыстық полиция департаментінің қызметкерлері Атырау тұрғындарына қатысты бірнеше рет интернет алаяқтығын жасаған семейлік күдіктіні анықтады.
Бұл банк сайты арқылы атыраулық жәбірленушілердің атынан онлайн несие рәсімдеген 29 жастағы Семей қаласының тұрғыны. ПД баспасөз қызметінің хабарлауынша, ол микроқаржы ұйымдары арқылы интернеттен кездейсоқ адамдардың жеке деректерін тауып, бірнеше ай бойы олардың атынан онлайн несие рәсімдеген. Несие мақұлданған соң ақшаны «Kaspi Bank», «Halyk bank» банкоматтары арқылы алған. Атырау полицейлері материалдарды семейлік әріптестеріне беріп, ол жерде ұсталып, уақытша ұстау изоляторына қамалды. ҚР Қылмыстық кодексінің 190-бабы («Алаяқтық») бойынша сотқа дейінгі тергеу амалдары жүргізілуде.
Айнұр САПАРОВА