В Атырау -1 
Атырау қаласының 45 жастағы тұрғыны бір апта қалада болмаған кезінде пәтерінен 54 миллион теңгенің жоғалып кеткенін айтып, полицияға арызданған.
Оқиға орнын тексеріп, бейнебақылау камерасының жазбаларын зерделеген полицейлер үй иесі болмаған кезде пәтерге ешбір бейтаныс адамдардың кірмегенін анықтады. Ал үй иесі кеткенше оның үйіне бірнеше рет келген жәбірленушінің 42 жастағы құрбысы басты күдікті болды. Тергеу барысында күдіктінің Алматыға ірі көлемдегі ақшамен барғаны анықталды. Оны ұстаған кезде полицейлер әйелден 36 миллион теңгені тәркіледі. Әйел өз кінәсін толық мойындады.
Бұл қылмыстық істің материалдары сотқа жолданды.
Дайындаған Зульфия ИСКАЛИЕВА
3 қараша 2021, 11:31