Көлігіңізбен жиектасты бүлдірсеңіз, полиция шақырыңыз

Жыл басынан бері Атырау облысында жүргізушілер жол-көлік оқиғасын жасап, оқиға орнын тастап кеткен 400-ден астам жағдай тіркелген. Әңгіме адамдар зардап шекпеген, бірақ қаланың қоршаған ортасы (жиектастар, бағаналар және т.б.) бүлінген жеңіл жазатайым оқиғалар туралы болып отыр.

- 1 қаңтардан бері 3 мыңнан астам жеңіл жол-көлік оқиғасы тіркеліп, 400 жағдайда жүргізушілер оқиға орнын заңсыз тастап кеткен, - деп хабарлайды Атырау облысы ПД баспасөз қызметі. Сол үшін жүргізуші ҚР ӘҚБтК-нің 611-бабы бойынша әкімшілік жауапкершілікке (50 АЕК мөлшерінде айыппұл салу немесе бір жылға жүргізуші куәлігінен айыру жазасы) тартылады.

Дайындаған Зульфия ИСКАЛИЕВА