Атырау, 25 қыркүйек 23:10
 ашықВ Атырау +17
$ 423.91
€ 497.37
₽ 5.82

Hayat-Vax-тың екінші компоненті бәріне жетуі керек

1 315 просмотра

Ертең, 22 шілдеде өңірге Hayat-Vax вакцинасының екінші компонентінің қосымша 1000 дозасы келеді. Бұл туралы «AЖ» сауалына Атырау облысы Денсаулық сақтау басқармасының баспасөз қызметі хабарлады. 

Hayat-Vax вакцинасының бірінші компонентін алған Атырау тұрғындары қазір облыста бұл препараттың жоқтығына алаңдайды. Өңірге Hayat-Vax вакцинасының бірінші және екінші компоненттерінің жалпы 35 мың дозасы келген екен. Бүгінде бірінші компоненттің 18 551 дозасы және екінші компоненттің 16 449 дозасы игерілді. 

- Қазіргі уақытта облыстық фармацевтикалық қоймадан Атырау емханаларына екінші компоненттің 220 дозасы жіберілді. 22 шілдеде өңірге екінші компоненттің тағы 1000 дозасы келеді. Hayat-Vax-тың екінші компонентінің қалған 882 дозасы жақын арада жеткізіледі, - деп сендірді облыстық денсаулық сақтау басқармасы. 

Осылайша, бірінші компонентті алған барлық адам Hayat-Vax-тың екінші екпесін ала алады. Ал бұл вакцинаның бірінші компонентінің қосымша жеткізілімдері бола ма, жоқ па, әзір белгісіз. 

Зульфия ИСКАЛИЕВА 

21 шілде, 17:26

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.