Құрманғазы ауданына пойыз тамызда жүреді деп уәде етілді

Облыстық әкімдік хабарлағандай, 13 шілдеде облысішілік Атырау - Д.Нұрпейісова станциясы бағыты бойынша теміржол тасымалдаушысын анықтау мақсатында ашық конкурс туралы хабарландыру жарияланды.

«Қатысуға ниет білдірген 5 мекемеден құжаттар қабылданды. Конкурс комиссиясының отырысы өтті, жеңімпаз 15 күн ішінде анықталады, содан кейін онымен және Жолаушылар тасымалы және автомобиль жолдары басқармасы арасында келісім жасалады», - делінген хабарламада. Жолаушылар пойызын іске қосу тамыз айына жоспарланған.

Құрманғазыға алдағы уақытта жолаушылар пойызының шығатыны сәуір айының басында жарияланған еді, бірақ тендер енді жарияланып жатыр.

Нұргүл ХАЙРУЛЛИНА