Атырау, 21 қыркүйек 19:03
 ашықВ Атырау +16
$ 425.73
€ 498.32
₽ 5.80

Байден мен Меркель "Вашингтон декларациясына" қол қойды

1 306 просмотра

Германия канцлері Ангела Меркель мен АҚШ президенті Джо Байден "Вашингтон декларациясына" қол қойды, - деп хабарлайды Tengrinews.kz тілшісі Deutsche Welle басылымына сілтеме жасап.

Екі көшбасшының кездесуі барысында ел ынтымақтастығының жаңа форматтарын анықтайтын құжаттарға қол қойылды.

"Қарым-қатынасымыздың негізі демократиялық принциптерге, құндылықтар мен институттарға деген ортақ ұстаным. Біз бірге заңның үстемдігін қолдаймыз, ашықтық пен тиімді басқаруға ықпал етеміз, сондай-ақ азаматтық қоғам мен тәуелсіз БАҚ-ты қолдаймыз", - делінген құжатта.

Сонымен қатар, Байден АҚШ пен Германия "демократия құндылықтары мен жалпыға ортақ құқықты" қолдайтынын мәлімдеді.

"АҚШ пен Германия болашаққа қатысты ұсыныстар айтатын америкалық-германиялық форум құруға ниетті. Негізгі экономикалық мәселелер бойынша ынтымақтастыққа жәрдемдесу үшін біз экономикалық диалог бастаймыз", - делінген декларацияда.

Байден бұған дейін АҚШ-тағы және бүкіл әлемдегі демократияға қауіп төніп тұрғанын мәлімдеген болатын.

16 шілде, 15:09

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.