Ресейде эстон консулы ұсталды

Санкт-Петербургте эстон консулы Марта Лятте ұсталды. РФ ФТБ Қоғаммен байланыс орталығы өкілдерінің мәліметінше, дипломат жабық сипаттағы материалдарды алу кезінде ұсталған, - деп хабарлайды Tengrinews.kz тілшісі РИА Новостиге сілтеме жасап.

"Ресей Федерациясының Санкт-Петербургтегі ФСБ өкілдері Ресей азаматынан Эстонияның дипломаты - Эстония Республикасы Бас консулдығының Санкт-Петербургтегі консулы Марта Ляттені жабық сипаттағы материалдарды алу кезінде ұстады", - делінген хабарламада.

Дипломатқа халықаралық құқық нормаларға сай шаралар қолданылатыны айтылады. 

"Бұл қызмет дипломатиялық жұмысшы статусына сай емес және РФ-ға қатысты анық жаугершілік сипатта", - делінген хабарламада.