Атырау, 31 шілде 11:43
 ашықВ Атырау +35
$ 424.44
€ 504.91
₽ 5.81

Ең ірі криптовалюта биткоин 10%-дан аса қымбаттады

1 480 просмотра

Биткоин криптовалютасының құны 9,8%-ға немесе 3 492,71 долларға өсіп, өткен жексенбіде 39 035,47 долларға жетті, деп хабарлайды ҚазАқпарат Reuters агенттігіне сілтеме жасап. 

Ең ірі электронды валюта биткоин осы жылдың 4 қаңтарымен салыстырғанда 40,7%-ға қымбаттаған. Ол кезде биткоин құны 27 734 доллар болған. Ethereum – әлемдегі екінші ірі криптовалюта. Ол 7%-ға немесе 165,77 долларға өсіп, жексенбі күні 2 532,77 долларға сатылған. 

«Tesla Inc» компаниясының басшысы Илон Маск жексенбі күні өзінің Twitter желісіндегі парақшасында жаңартылатын энергия көздерінің үлесі биткоинды «өндіру» кезінде дәстүрлі жолмен өндірілген энергия үлесінен асқан жағдайда, биткоинды қолданудың қайта жанданатыны туралы хабарлады. 

Қазіргі кезде Tesla өз тауарларын сату кезінде биткоинды қабылдауды тоқтатқан. Бұл өз кезегінде Илон Масктың криптовалюта «өндіретін» компьютерлердің көп энергия жұмсайтыны туралы алаңдаушылығын тудырды.

14 маусым, 15:14

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.