В Атырау 0 
Құлсары қаласында маса облыс орталығына қарағанда тіптен көбейген. Олар әсіресе көппәтерлі үйлер салынған ықшамаудандарда бой бермей кеткен.
- Негізгі себептердің бірі – су басқан жертөлелер. Іңір басталса, үй ішінен масахана құрып әуреміз. Неге дезинфекция жүргізілмейтінін білмейміз, - дейді жергілікті тұрғындар шағымданып.
Құлсары қаласы әкімінің орынбасары Қадыржан АДИНОВ былай деп жауап берді:
- Құлсары қаласындағы көппәтерлі тұрғын үйлердің дәліздері мен жертөлелеріне масаға қарсы дезинфекциялық жұмыстарды жүргізу үшін мемлекеттік сатып алу порталы арқылы "Дезинфекция" Ақтөбе облыстық бірлестігі жеке медициналық мекемесімен келісім шарт жасақталды. Бұған 4 млн 592 мың теңге қаралды. Бүгінде 1, 2, 3, 5 ықшамаудандардағы көппәтерлі үйлердің дәліздері мен жертөлелерінде улау жұмыстары жүргізіліп жатыр.
Ләззат ҚАРАЖАНОВА
Суретті түсірген автор