Протасевич ұшқан рейстегі жауап алу сәті жарияланды

Беларусьтің ОНТ телеарнасы 23 мамырда Минск әуежайында Ryanair рейсінен шығарылған NEXTA Telegram-арнасының бұрынғы бас редакторы Роман Протасевичтен жауап алу сәтінің үзіндісін жариялады, - деп хабарлайды Tengrinews.kz тілшісі.

Сейсенбіде, 1 маусымда телеарна Boeing 737 жолаушылар ұшағының жоспардан тыс қонуы туралы тергеу фильмін көрсетті.

"Біздің журналистер оқиғаға қатысты тергеу жүргізді, 2 маусымда ОНТ эфирінде кешкі сағат тоғызда ұшуды талдаймыз", - делінді телеарнада.

Жарияланған кадрларда Протасевич оған ор қазылғанын айтады.

"Маған ор қазылғанына сенімдімін. Себебі мен мұны еш жерде айтқам жоқ, бірақ айтқан бойда бірден Минскіден шықтым!"- дейді ол.