В Атырау -4 
Жылыой ауданы Құлсары қаласының шет жағында орналасқан қоқыс полигоны өртенді. Бұған жергілікті тұрғындар алаңдаушылық білдіруде.
- Міне, екінші күн өртеніп жатыр. Қалада демалатын ауа жоқ. Өз көзімізбен көруге келдік. Неге өшірмейді, бұл қай мекемеге қарасты? - дейді жергілікті тұрғындар «АЖ» тілшісіне хабарласып.
Осыған орай Жылыой ауданының әкімі Халел ЖАМАЛОВҚА жолықтық. Іле-шала мынадай жауап келді: "24 мамырда сағат 22.00 шамасында Құлсары қаласынан 8 шақырымдағы «Құлсары-Бейнеу» тас жолының маңында орналасқан қоқыс полигонының ішіндегі қоқыс қалдықтары өртенді. Аталған полигон "Жылыой тазалық" ЖШС-нің теңгерімінде. Құлсары қаласы әкімінің орынбасары өрт шыққан полигонға барып, жағдаймен танысып, "ЖылыойТазалық" ЖШС-не бірқатар тапсырма берді. Қазіргі таңда, ол жерде өртті жою жұмыстары жүргізілуде. Аталған жағдай Жылыой ауданы әкімдігінің бақылауында. Сондай-ақ, Атырау облыстық экология департаменті тексеріс жүргізуде.
Ләззат ҚАРАЖАНОВА
Бейнежазба әлеуметтік желіден алынды