В Атырау 0 
Атырауда техникалық жұмыстарды орындауға шақырылған маман ерлер түзеу колониясына іш киімге жасырылған Samsung ұялы телефоны мен сим-картаны алып өтпек болды. Бірақ рентген аппараты арқылы заңсыз «сәлемдеме» көрініп қалды.
Бұдан басқа, оның сөмкесінен құрал-саймандардың астына жасырылған тағы бір ұялы телефон мен насыбай салынған екі пакет табылды. 29 жастағы техник маманға қатысты толтырылған хаттама әкімшілік сотқа жолданды.
- Колонияға келушілердің барлығы алдымен рентген бақылауынан өтеді, содан кейін оларды мекеме қызметкерлері тексереді. Олардың заттары да дәл осылай тексеріледі, - дейді УГ-157/9 мекемесінің режим бөлімінің бастығы Ғалымжан ҚАЗЫБАЙ. - Осылайша, тыйым салынған заттарды мекеме аумағына жасырын түрде өткізуге жол берілмейді.
Фархат ӘБІЛОВ
ҚАЖД ұсынған суреттер