Автобус басқан қыздың өлімі видеотіркегішке түсіп қалған

Әлеуметтік желіде 26 жастағы қызды автобустың қағып кеткені түскен бейнежазба пайда болды. Естеріңізге салсақ, 23 мамырда сағат 20:20 шамасында Атырауда Привокзальный ықшамауданында №57 автобустың 49 жастағы жүргізушісі 26 жастағы қала тұрғынын қағып, ол сол жерде қаза болды.

- Тергеу әрекеттері барысында полиция қарсы жолақта тұрған көліктердің біріндегі видеотіркегіштің жазбасын алды. Онда қыздың бағдаршамның рұқсат етілген сигналы жанған кезде жаяу жүргіншілер өткелімен жолдан өтіп бара жатқаны анық көрінеді, - деп хабарлады Атырау облысының полиция департаменті.

Автобус жүргізушісіне қатысты 345-баптың 3-тармағы (Көлiк құралдарын басқаратын адамдардың адам өліміне әкеп соққан жол жүрісі қағидаларын бұзуы) бойынша қылмыстық іс қозғалғаны белгілі болды. Тергелуші уақытша ұстау изоляторына қамалды.

Фархат ӘБІЛОВ

Әлеуметтік желіден алынған бейнежазба