Түтіндеп жатқан «Газельден» секіріп, қаза болды

23 мамырда сағат 18:30 шамасында «Атырау-Индер» трассасында әдеттен тыс жағдайда адам өліміне әкеп соққан жол-көлік оқиғасы болды.

Полиция департаментінің баспасөз қызметі хабарлағандай, қайғылы оқиға былай болған. Жүргізуші әйелімен бірге «Газельде» кетіп бара жатқанда көлік қатты түтіндей бастаған. Ер адам көлік жүріп бара жатқанда әйеліне секіру керектігін айтады. 52 жастағы әйел секіреді, бірақ өз көлігінің дөңгелегінің астына түсіп, көз жұмады.

- Тергеу шаралары жүргізілуде, - деп хабарлады ПД баспасөз қызметі.

Фархат ӘБІЛОВ