Энергетика және ТКШ басқармасына жаңа басшы тағайындалды

«Атырау облысы әкімінің Өкімімен Ерлан Асылбекұлы Назаров облыстық Энергетика және тұрғын үй – коммуналдық шаруашылық басқармасының басшысы болып тағайындалды»,- деп хабарлайды Атырау облыстық коммуникациялар қызметі.
⠀
Назаров Ерлан Асылбекұлы 1983 жылы Қызылорда қаласында туған. Білімі жоғары: Қорқыт ата атындағы Қызылорда мемлекеттік университетін экономист-менеджер мамандығы бойынша, ҚР Президенті жанындағы мемлекеттік басқару Академиясын, Ұлттық мемлекеттік саясат мектебін, сондай-ақ АҚШ-тағы Дьюк университетін тәмамдаған.
⠀
Еңбек жолын Қызылорда облысы бойынша Статистика департаментінде бастап, 2004-2006 жылдары осы мекемеде экономист, маман, жетекші маман, бөлім бастығы болып жұмыс істеген.
⠀
2007-2008 жылдары Қызылорда облысының Қаржы басқармасында түрлі лауазымда қызмет еткен.
⠀
2008 – 2010 жылдары Қызылорда қаласы әкімі аппаратының экономикалық талдау және қала құрылымын дамыту бөлімінің бастығы болған. 2010 – 2012 жылдары Жалағаш ауданы әкімінің аппаратын басқарған.
⠀
2012 – 2013 жылдары Солтүстік Қазақстан облысы Кәсіпкерлік және өнеркәсіп басқармасы басшысының орынбасары болған. 2013 – 2015 жылдары - Қызылорда облысының Сыртқы байланыстар басқармасының басшысы.
⠀
2015 жылы ҚР Президентінің «Байқоңыр» кешеніндегі арнайы өкілінің қызметін қамтамасыз ету басқармасының басшысы болып жұмыс істеді.
⠀
В 2017 – 2019 жылдары Ақтөбе облысының индустриалды-инновациялық даму басқармасына, 2019-2020 жылдары Ақтөбе облысының Кәсіпкерлік басқармасына басшы болды.
⠀
Қазіргі лауазымға тағайындалғанға дейін бизнес-құрылымдарда басшылық қызмет еткен.