Sinopharm компаниясының вакцинасы Біріккен Араб Әмірліктерінде жасалынды, деп хабарлайды Атырау облысы Денсаулық сақтау басқармасының баспасөз қызметі.
11 мамырда аймақтың алғашқы тұрғыны "Hayat-Vax" вакцинасын алды. Атырау облысы Денсаулық сақтау басқармасының басшысы Асхан Байдувалиевтің айтуынша, препарат сертификатталған және ерікті негізде вакцинациялауға арналған.
- Біздің облыста халықты жаппай вакцинациялау жалғасуда. Жақында аймаққа БАӘ шығарған Sinopharm компаниясының "Hayat-Vax "вакцинасының 7500 дозасы жеткізілді. Алғашқы 200 дозаны "Медикер Жайық" ЖШС - не жібердік, қалған дозалар қазіргі уақытта қоймада сақталуда және вакцинация пункттері бойынша үлестірілетін болады, - деп түсіндірді Асхан Байдуаалиев.
Осылайша, қазіргі уақытта Атырау облысының егу кабинеттерінде Qazaс, "Спутник V" және Hayat-Vax вакциналары қолжетімді.
Естеріңізге сала кетейік, Hayat-Vax вакцинасының 1 млн дозасын Қазақстанның барлық өңірлеріне бағытталған "Самұрық-Қазына" қоры сатып алды.