АҚШ-та енді жасөспірімдер де вакцина салдыра алады

2 379 просмотра

АҚШ-тың Азық-түлік және дәрі-дәрмек сапасын санитарлық қадағалау басқармасы (FDA) 12-15 жас аралығындағы жасөспірімдерге Pfizer және BioNTech коронавирусқа қарсы вакцинасын қолдануды мақұлдады, - деп хабарлайды Tengrinews.kz Deutsche Welle сайтына сілтеме жасап.

Шешім 12 жастан асқан адамдарды вакциналауға мүмкіндік береді. Бұл ең төменгі жас шегі 16 жастан төмендегенін көрсетеді.

"FDA-ның 12-15 жас аралығындағы жасөспірімдерге Pfizer-BioNTech COVID-19 вакцинасын қолдануға рұқсат беруі пандемиямен күрестегі маңызды қадам", - деді FDA басшысы міндетін атқарушы Джанет Вудкок.

Оның айтуынша, агенттік барлық деректі мұқият талдап, вакцинаның 12 жастан асқан адамдарға тигізетін пайдасы белгілі қауіптерден асып түсетініне сенімді болған.

Pfizer және BioNTech сынақтарына 2 260 ерікті жасөспірім қатысқан. Сынақ нәтижелері бойынша компаниялар вакцинацияның екі дозасын алған балалар арасында коронавирус жұқтыру жағдайы тіркелмегенін, ал плацебо тобында 18 адам ауырғанын айтты.

Жасөспірімдерді вакциналау алдағы күндері басталуы мүмкін.

11 мамыр 2021, 10:20

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.