Махамбет ауданы Ақтоғай ауылы маңындағы «Бақсай» көліне жете алмай қалған балықтар жағада өліп жатыр. Бүгінде балықтарды құтқару жұмыстары жедел жүруде.
-«Бақсай» көліне өзеннен 27 сәуірден бастап су келе бастады. Су сыздықтап ағып, құрғап қалған көл толғанша біраз уақыт кетті. 3-7 мамыр аралығында 1 тоннаға жуық балық өліп, оған акт жасалды,-дейді Махамбет аудандық балық инспекциясының ихтиологы Тілекші ЕСМҰХАНОВА. Оның айтуынша, бүгінде «Құрманғазы», «Жамбыл», «Абылайхан» балық кооперативтері балықтарды құтқару жұмысымен айналысуда.
Ләззат ҚАРАЖАНОВА
Әлеуметтік желіден алынған суреттер