"Молекула" Алмагүлге көшіріледі

Мұхтар Әуезов даңғылын қайта жаңарту кезінде жолшылар Атырау қаласының көрнекті жерлерінің бірі - айналма жолдағы «Молекула» композициясын бұза бастады.

- Ол Сұлтан Бейбарыс даңғылының бойына Алмагүл ықшамауданындағы айналма жолға ауыстырылады. Оның орнына бағдаршам орнатылады, - деп хабарлады қалалық әкімдік «AЖ»-ға.

«Молекула» композициясы 2001 жылы орнатылған (суретші А. Ковальчук, сәулетші П. Павлов). Қала тұрғындарының көпшілігі оны талғамсыз жасалған десе, ал басқалары, керісінше, оны қызықты деп санады.

Фархат ӘБІЛОВ

Автор түсірген сурет