Жеңіс күніне орай Атырауда соғыс ардагерлеріне, сондай-ақ тыл еңбеккерлеріне ақшалай төлем жасалады, деп хабарлайды Атырау облысының коммуникациялар қызметі.
Жұмыспен қамтуды үйлестіру және әлеуметтік бағдарламалар басқармасының мәліметінше, осы мереке қарсаңында екі мыңға жуық адамға қаржылай қолдау көрсетіледі. Атап айтқанда, олар екі соғыс ардагері (1 миллион теңгеден), концлагерьдің бір тұтқыны (1 миллион теңге), «1941-1945 жылдардағы Ұлы Отан соғысындағы ерен еңбегі үшін» медалінің 45 иегері (100 мың теңгеден) және Жеңіске үлес қосқан, бірақ марапатталмаған 1874 тыл еңбеккері (30 мың теңгеден).