Құлсарыда суға кеткен баланы іздестіру жұмыстары жүріп жатыр

Толықтырылды Сурет Бейнежазба

3 279 просмотра

26 сәуірде 19 сағат шамасында Құлсары қаласында 9 жасар бала Құрсай өзеніне батып кетті.

Аудандық ТЖ бөлімшесінің бастығы Нариман ӨТЕШОВТЫҢ айтуынша, денесі әлі табылған жоқ, сүңгуірлер іздеу жұмыстарын жалғастырып жатыр.

Сағат 20:35-те хабар келгеннен кейін суға батқан баланы іздеуге сүңгуір жасағы жіберілді. Олар 1,5 сағат іздеу жұмыстарын жүргізді. Қараңғы түскесін қауіпсіздік шараларына байланысты сүңгуірлердің жұмысы тоқтатылды. Алайда, қайық, ау-тор арқылы іздеу жалғасып жатыр. Оған құтқарушылар, туыстары және еріктілер қатысуда.

27 сәуірде сағат 6.35-те сүңгуірлер іздеуді қайта жалғастырып, сағат 6.38-де Құрсайдан 9-жасар Бексұлтан БОПЕЖАННЫҢ денесі суға батып кеткен жерден 15 метр қашықтан табылды. Баланың денесін туыстары бірден алып кетті.

Ләззат ҚАРАЖАНОВА

Сурет пен бейнежазбаны куәгерлер жіберді

27 сәуір 2021, 09:06

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.