Өңірде коронавирус инфекциясын жұқтырғандар саны өсуде, деп хабарлайды Атырау облысы Денсаулық сақтау басқармасының баспасөз қызметі.
Соңғы тәулікте Атырау қаласында 73 адамнан, скрининг нәтижесінде Теңіз кен орнынан 8 науқастан коронавирус індеті анықталды.
Сондай-ақ, соңғы тәулікте Жылыой ауданының 2, Индер ауданының 6, Құрманғазы ауданының 5, Мақат ауданының 3 тұрғынында қауіпті індет расталды.
Коронавирустық инфекция 43 науқаста тиісті белгілермен өтуде.
Өткен тәулікте облыста коронавирустан 143 адам емделіп шықты.
Қазіргі уақытта 1235 адам үй жағдайында, 173 - модульдік ауруханада, 89 - облыстық аурухананың инфекциялық стационарында, 102 - фтизиопульмалогиялық орталықта, 153-аудандық инфекциялық стационарларда ем алуда. Теңіз кен орнындағы инфекциялық стационарда 153 науқас емделуде.
Ал емдеу орындарының жансақтау бөлімінде 38 адам емделіп жатыр. Олардың 8-і ӨЖЖ аппараттарына қосылған. Жүктеме 46,9% (81 төсекке) құрайды.
Айта кетейік, Атырау облысы коронавирустың таралуы бойынша "қызыл" аймақта тұр.