Атырау облысында «Ashyq» мобильді қосымшасы аясында кім жұмыс істейтіні белгіленді

Атырау облысының бас санитар дәрігері Мәдениет Танауов  26 сәуірден бастап өңірде «Ashyq» жобасын жүзеге асыру туралы қаулыға қол қойды.

 26 сәуір сағат 00.00-де күшіне енетін бұл құжатқа сәйкес, жоба аясында қай кәсіпкерлік объектінің жұмыс істейтіні көирсетілген:

фитнес-клуб, йога орталығы;

спа-орталықтары;

сауна, бассейн,

PlayStation-клубтарын қоса алғанда, компьютерлік клубтар (16 жасқа дейінгі адамдарды қоспағанда);

боулинг клуб;

кинотеатр;

театр және филармония;

банкет залдарын, асхана, фаст-фуд, стрит-фуд үлгісіндегі оъектілерді қоспағанда қоғамдық тамақтану объектілері;

бильярд клубтары;

концерт залдары;

ерікті қатысушылар.

Қазір Атырау облысы коронавирус бойынша «қызыл» аймақта тұр.

«Ashyq» деген не?

«Ashyq» – қоғамдық орынға келушілерді тіркейтін мобильді қосымша. Қоғамдық орынға кіреберісте пайдаланушы арнайы QR-кодты сканерлеп, оны әкімшіге көрсетеді. Код келушінің мәртебесін (статус) анықтайды. 

«Қызыл» мәртебе ПТР-тест тапсырып, коронавирус анықталған адамға беріледі. Мұндай мәртебе иелеріне үйде оқшаулану режимін қатаң сақтауға тиіс.

«Сары» – байланыста болған адамдарға берілетін мәртебе. Оларға азық-түлік алуға немесе үйдің жанындағы дәріханаға баруға рұқсат етілгенімен, басқа қоғамдық орындарға баруға тыйым салынады.

«Көк» - ауру жұқтырған адамдармен байланыста болған адамдар есебінде жоқ, ПТР-тест (мысалы әуежайда) талап етілетін жерлерден басқа кез келген жерде еркін қозғалу дегенді білдіреді.

«Жасыл» –жүріп-тұруда шектеу жоғын білдіреді.

QR- код бизнес субъектілеріне беріледі.