Фотосессияға жалаңаш қатысқан 11 украиналық қыз БАӘ-ден депортацияланды

3 638 просмотра

Дубайда суретке жалаңаш түскені үшін ұсталған он екі украиналық қыздың он бірі депортацияланды, оларға БАӘ-ге кіруге тыйым салынды. Бұл туралы Украина Сыртқы істер министрлігінің баспасөз хатшысы Олег Николенко мәлімдеді, - деп хабарлайды Tengrinews.kz тілшісі РИА Новости порталына сілтеме жасап.

"Кеше кешке БАӘ билігі Украинаның 11 азаматшасын жер аударды, олар Дубайда ашық фотосессияға қатысқаны үшін ұсталған. COVID-19 диагнозы қойылған тағы бір украиналық қыз жазылған соң депортацияланады. Барлығына БАӘ-ге кіруге тыйым салынды. Украинаның Дубайдағы консулдығының арқасында азаматшаларға ең жеңіл жаза тағайындалды", - деді Николенко.

Бұған дейін әлеуметтік желілерде жалаңаш қыздар Dubai Marina курорттық аймағындағы биік ғимараттардың бірінің балконында суретке түсіп жатқан видео пайда болды. Николенко 6 сәуірде түсірілімге қатысқаны үшін 12 украиналық ұсталғанын хабарлаған болатын.

РИА Новости мәліметінше, түсірілім кезінде ұсталған ресейлік кәсіпкер Алексей Концов тергеу изоляторында іс бойынша тергеу мен соттың аяқталуын күтіп жатыр. Ол кінәлі деп танылса, бір жарым жылға дейін бас бостандығынан айырылып, Интернетте порнографиялық материалдар таратқаны үшін 50 мың дирхам (миллион рубль) айыппұл төлеуі мүмкін.

13 сәуір 2021, 14:34

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.