​Көп қабатты үйлердің ауласында тұрған көліктерге қауіп бар

Атырауда 28 жастағы қала тұрғынына тиесілі үйінің ауласында тұрған автокөлік ұрланды. ПД баспасөз қызметінің хабарлауынша, жедел-іздестіру шаралары барысында екі күдікті ұсталды – олар 30 және 32 жастағы қала тұрғындары. Сотқа дейінгі тергеу амалдары жүргізілуде.

Дәл осындай қылмыс Нұрсая ықшамауданында да жасалған: белгісіз біреу үйдің алдында тұрған «ВАЗ-2114» автокөлігін ұрлап кеткен. Полиция күдіктіні анықтап, қолға  түсірді.

Жыл басынан бері Атырауда көлік ұрлаудың 6 фактісі тіркелді. 

Дайындаған Айнұр САПАРОВА