Облыс тұрғындары арасында коронавирустық инфекция ауруларының өсуі байқалады, деп хабарлайды Атырау облысы денсаулық сақтау басқармасының баспасөз қызметі.
Кеше Атырау қаласынан 97, Теңіз кен орнындағы скрининг нәтижесінде 11 адамнан анықталды.
Сондай-ақ, коронавирус жұқтырған Жылыой ауданының 8, Қызылқоға ауданының 4, Құрманғазы ауданының 9, Махамбет ауданының 5 және Исатай ауданының 3 тұрғыны тіркелді.
Коронавирустық инфекциясы бар 76 науқаста ауру белгілері бар, ал 61 адамда белгілер байқалмайды.
Өткен тәулікте облыста коронавирустан 33 науқас сауығып шықты. Қазір 547 адам үйден, 190 – модульді ауруханада, 74 – аудандық инфекциялық стационарларда ем алуда. Теңіз кен орнындағы инфекциялық стационарда 202 адам емделіп жатыр.
Айта кетейік, Атырау облысы коронавирустық инфекцияның таралу қарқыны бойынша – “қызыл” аймақта тұр.
Ауруханалардың жүктемесі
8 сәуірдегі мәлімет бойынша, COVID-19-дан 466 адам емделіп жатыр. Жүктеме 24,1% құрайды (1993 орын)
Жансақтау бөлімшелерінде 22 науқас жатыр, оның 5 ИВЛ аппаратына қосылған. Жүктеме 30,9% құрап отыр (71 орын)
Вакцинация туралы
Тәулік ішінде 550 адам екпе салдырған. Оның 57 медицина қызметкерлері, 99 педагог, 38 полиция қызметкері, 9 студент, жабық мекеменің 2 қызметкері, құқық қорғау органдарының 10 қызметкері, 8 мемлекеттік қызметкер, созылмалы ауруы бар 2 адам және 321 жергілкті тұрғын.
1 ақпан мен 6 сәуір аралығында «Спутник V» вакцинасының І компонентімен 6148 адам егілді, ІІ-компонентті 2354 адам алды.