Атырау, 18 мамыр 00:16
 ашықВ Атырау +31
$ 427.41
€ 519.47
₽ 5.78

Тайвандағы пойыз апатында қаза тапқандар саны 48 адамға жетті

2 380 просмотра

Хуалянь уезіндегі туннель маңында болған пойыз апатынан қаза тапқандар саны 48-ге жетті, тағы 118 жолаушы ауруханаға жатқызылды. Құтқару жұмыстары жалғасуда, деп хабарлайды ҚазАқпарат TaiwanNews-ке сілтеме жасап. 

Теміржол апаты Хуалянь уезінің аумағында тау туннеліне кіре берісте орын алған. Taroko Express пойызының сегіз вагонында 350 жолаушы болған. Алдын ала мәліметтер бойынша, пойыз еңістен төмен қарай келе жатқан құрылыс машинасымен соқтығысқан. 

Салдарынан екінші және үшінші вагон рельстен шығып кеткен, туннель қабырғасына соғылып деформацияланған. Қаза тапқандардың көпшілігі соңғы екі вагоннан табылды, деп хабарлады Тайвань теміржол әкімшілігі. Ел үкіметі щұғыл көмек орталығын құрды. Бұған дейін Тайвандағы пойыз апатынан 36 адам қаза тауып, 72 жолаушы зардап шеккені хабарланған болатын.

2 сәуір, 16:06

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.