Атырау, 29 наурыз 19:51
 ашықВ Атырау +1
$ 448.15
€ 483.46
₽ 4.86

«Супермен»-жекпе-жек шебері Атырау базарларында бопсалаушыға айналған

3 271 просмотра
Топ мүшелерін ұстау бойынша ҚР ҰҚК арнайы операциясы. 3 маусым, 2020 жыл

Атырау облысының қылмыстық істер жөніндегі мамандандырылған ауданаралық сотында қала базарларында бопсалаумен айналысқан рэкетир-спортшыларға қатысты үкім шығарылды.

Сот процесі барысында анықталғандай, жекпе-жектің әр түрін жақсы меңгерген ұйымдасқан қылмыстық топтың басшысы, сотталушы А.У., 2012 жылы Атырауда үш адамнан тұратын ұйымдасқан қылмыстық топ құрып, келесі 8 жыл ішінде «Дина» және «Көктем» базарларындағы ОҚО келген саудагерлерден «алым» жинап, бас тартқан жағдайда, тауарларды жоямыз, ұрып-соғамыз немесе өлтіреміз деп қорқытқан.

- Сотталушылардың кінәсі сот барысында қаралған дәлелдер жиынтығымен толық расталды, - деп атап өтті сотта. - Үкім шыққан кезде, сотталушылардың қылмыстық іс-әрекеттерімен жәбірленушілерге ірі көлемде залал келтірілгені, қылмыс ұйымдасқан топтың құрамында жасалғаны және олардың жасаған істеріне өкінбейтіні ескерілді.

33 жастағы ҰҚТ басшысы А.У. 7 жыл 1 айға, оның екі «бағыныштысы» әрқайсысы 7 жылға бас бостандығынан айырылды. Олар жазасын қатаң режимдегі колонияда өтейтін болады.

«AЖ»-ға белгілі болғандай, ҰҚТ басшысы А.У. «жекпе-жек», каратэ, жауынгерлік самбо, джи-джитсу және панкратион бойынша Қазақстан чемпионы. Халықаралық ММА жарыстарында Қазақстанның намысын қорғаған. 2015 жылдың көктемінде Қытайда американдыққа қарсы турнирде соңғы жекпе-жегін өткізіп, техникалық нокаутпен жеңіске жетті. Сол кезде ол қала базарларын «ұстап тұрған» екен.

Фархат ӘБІЛОВ

2 сәуір 2021, 15:20

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.