В Атырау -6 
“Атыраудың модульдік жұқпалы аурулар ауруханасында 16 науқас жансақтау бөлімінде жатыр. Олардың 5-еуі өкпені жасанды желдету аппараттарына қосылған”, деп хабарлайды Атырау облысы Денсаулық сақтау басқармасының баспасөз қызметі.
Биылғы жылғы 1 сәуірдегі жағдай бойынша модульдік жұқпалы аурулар ауруханасының жансақтау бөлімінде 16 адам бар. Оның ішінде 12 адам ауыр халде, 4 адам өте ауыр халде.
- Олардың сегізі 65 жасқа дейін, тағы 8 науқас 65 жастан асқан. 16 адамның бесеуі ӨЖЖ аппараттарына қосылған. Барлық ауыр науқастар Денсаулық сақтау басқармасының ерекше бақылауында. Сондай-ақ күн сайын Нұрсұлтан қаласының Ұлттық шұғыл медицинаны үйлестіру орталығы жанындағы республикалық ахуалдық орталық мамандарының, сондай-ақ республикалық орталықтардың бейінді мамандарының консультациялары өткізіледі.
Салыстыру үшін, 2021 жылдың 20 наурызында Наурыз мерекесіне дейін реанимацияда 11 адам болған. 1 сәуірдегі мәлімет бойынша пациенттер саны 16 адамға дейін көбейді.
Айта кету керек, бүгінде 147 пациент модульдік госпитальда, 266 адам ТШО-ның жұқпалы аурулар стационарларында, 37 - аудандық жұқпалы аурулар астационарларында, 242 жергілікті тұрғын үйде ем алуда.