Жұмысқа кетіп, оралмады

Алты күннен бері Атырауда жоғалып кеткен 53 жастағы Тыныштық Оразалиевты іздеу жұмыстары жалғасуда. 6 наурызда кешке үйінен жұмысқа шығып кетіп, содан оралмаған.

- 10 наурызда Атырау облысының төтенше жағдайлар департаментіне Атырау тұрғыны хабарласты. Жоғалған адам ЖШС-де күзетші болып жұмыс істейді. Хабарлама түскен бойда ТЖД жедел құтқару жасағының 7 қызметкері, 4 кинология жасағы еріктілермен бірге Бірлік, Ақсай, Жұлдыз-3 елді мекендерінің маңында іздеу жұмыстарын бастады, - деп хабарлайды ТЖД баспасөз қызметі.

Іздеу жұмыстарына ТЖД 10 қызметкері, 2 кинолог жасағы, 3 техника және жоғалған адамның туыстары жұмылдырылды.

Туыстары +7 702 488 60 75; +7 775 689 18 18 нөміріне хабарласуды сұрайды.

Фархат ӘБІЛОВ