Атырау облысында 27 адам коронавирус инфекциясын жұқтырды, деп хабарлады облыстық денсаулық сақтау басқармасы.
Ауру жұқтырғандар арасында Атырау қаласынан үш пациент бар. Скрининг нәтижесінде Теңіз кен орнынан 24 жағдай анықталды.
Коронавирус инфекциясы бар 6 пациентте ауру тиісті белгілермен өтуде. 21 адамда ауру белгілері жоқ.
Өткен тәулікте облыста коронавирустан 85 пациент сауығып шықты.
Қазір 99 науқас үйде, 70 адам облыстық жұқпалы аурулар стационарында, 21 адам аудандық жұқпалы аурулар стационарында. Теңіз кен орнындағы жұқпалы аурулар стационарында 245 адам ем алып жатыр.
Коронавирустың таралуы бойынша Атырау облысы «сары» аймақта екенін еске саламыз.