5 наурыз таңертеңгі сағат 11-де Привокзальный ықшамауданында микронесие ұйымының кеңсесіне қарақшылық шабуыл жасалды. Пышақпен қорқытқан қаскөй кассадан 400 мың теңге алып, қашып кетті.
- Жедел-іздестіру шаралары нәтижесінде полиция ізін суытпай, 25 жастағы күдіктіні ұстады, - деп хабарлады Атырау облысы полиция департаментінің баспасөз қызметі.
Қазір ол уақытша ұстау изоляторына қамалды. ҚР Қылмыстық кодексінің 192-бабы (Қарақшылық) бойынша тергеу амалдары жүргізілуде.
Фархат ӘБІЛОВ