Атырау облысында коронавирус жұқтырған 40 жағдай тіркелді: қала тұрғындары арасында көбеюде

Атырау облысында 40 адам коронавирус инфекциясын жұқтырды, деп хабарлайды облыстық денсаулық сақтау басқармасы.

Бұл індетті жұқтырғандардың арасында 15 науқас Атырау қаласынан тіркелді. Скрининг нәтижесінде Теңіз кен орнынан 24 науқас анықталды. Индер ауданынан -1 адам.

Коронавирус инфекциясын жұқтырған 8 науқаста ауру белгілері байқалса, 32 адамда байқалмайды.

Кеше облыста коронавирустан 45 науқас сауығып шықты.

Қазір 96 науқас үйден емделіп жатыр, облыстық инфекциялық стационарда - 66 адам, аудандық инфекциялық стационарларда - 16. Теңіз кен орнындағы инфекциялық стационарда - 255.

 Атырау облысы коронавирустың таралу қарқыны бойынша «жасыл» аймақта тұр.