АҚШ Ресейге қарсы жаңа санкциялар енгізуге дайындалып жатыр

Вашингтонның Мәскеуге қарсы жаңа санкциялары "бірнеше аптада" дайын болады. Бұл туралы Ақ үй өкілі Джен Псаки жұмада журналистерге мәлімдеді, - деп хабарлайды tengrinews.kz сайты  РИА Новости-ге сілтеме жасап.

"Бірнеше аптада, ай емес", - деді Псаки Ресейге қарсы жаңа санкциялар қашан енгізіледі деген сұраққа жауапта.

Ол ресейлік мәселе "бірнеше компоненттен тұратынын" атап өтті. Олар: сайлауға араласу, хакерлік шабуылдар, сондай-ақ Ауғанстандағы америкалық сарбаздардың басы үшін берілген болуы мүмкін марапаттар. Оның айтуынша, әкімшілік осының барлығын алдағы уақытта да талдайды.