«Арнаулы автобаза» Атырауды қалың қардан тазартуда-2

Кеше Атырауда 472 текше метр қар шығарылды, - деп хабарлайды «Арнаулы автобазаның» баспасөз қызметі. Бүгін, 18 ақпанда 45 техника қар тазалауға шықты.

Бүгін таңертең Астрахань трассасында орналасқан мамандандырылған ХҚКО-на барып, оған апаратын жол Атырау көшелеріне қарағанда қардан жақсы тазаланғанын байқадым.

- Кеше қаланы тазарту жұмыстары түнгі он екі жарымға дейін жүргізіліп, бүгін таңғы 7-де қайта жалғасты. Бірақ қар тоқтаусыз жауып жатқандықтан, жолдарды қар қайта басып қалды, - деп хабарлайды «Арнаулы автобазаның» баспасөз қызметі. 

16 самосвал, 10 жүк тиегіш, 19 арнайы техника және 90 жол қызметкері жұмылдырылғаны да хабарланды.

Зульфия ИСКАЛИЕВА