Атырау облысында COVID-19 індетінің 25 жағдайы тіркелді

2 042 просмотра

Атырау облысында өткен тәулікте 25 адамда коронавирус індеті ПТР арқылы расталып ауырғаны белгілі болды, - деп хабарлайды Атырау облыстық денсаулық сақтау басқармасының баспасөз қызметі.

Қауіпті дертке шалдыққан науқастардың 5-еуі Атырау қаласынан тіркелген. Сондай-ақ, Теңіз кенішінен 19 жұмысшыдан, Құрманғазы ауданында 1 адамнан covid-19 жұқпасы анықталған.

Covid-19 инфекциясын жұқтырған науқастардың 7-інде ауру симптомды түрде өтуде. Соңғы мәліметке сәйкес, өткен тәулікте коронавирус инфекциясынан 59 адам емделіп шықты. Қазіргі уақытта 108 адам үй жағдайында емделуде. Облыстық инфекциялық стационарда 75
науқас, ал аудандардағы инфекциялық стационарларда 26, Теңіз кенішінің инфекциялық стационарында 284 адам оқшауланып, инфекциялық стационарда ем қабылдауда.

Айта кетейік, қауіпті індет жұқтырғандар санының тәуліктік көрсеткішіне байланысты бүгін, жетінші күні - Атырау облысы "жасыл" аймақта тұр.

16 ақпан 2021, 10:38

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.