Ғалымдар жаңа мутацияның вакциналар тиімділігін 10 есе азайтатынын айтты

Кембридж университетінің ғалымдары Оңтүстік Африка мен Бразилияда коронавирустың тез таралуына ықпал ететін E484K деп аталатын британдық B.1.1.7 штаммындағы мутацияның 11 жағдайын анықтады, деп хабарлайды Stan.kz ақпарат агенттігі.

BioNTech/Pfizer вакцинасын алған адамдардың қанынан алынған антиденелер көрсеткендей, бұл вакцина Е484k мутациясы бар вирусқа қарсы тиімділігін 10 есе азайтқан.

Ұлыбританияның денсаулық сақтау министрі Мэтт Ханкок мутация жағдайлары Бристоль мен Ливерпульде анықталғанын растады, енді осы қалалардың зардап шеккен аудандарында жаппай тестілеу болады.

Сонымен қатар Ұлыбританияда 10 миллион адам вакцинаның алғашқы дозасын қабылдады және ғалымдар вакцина жаңа мутацияға қарсы тиімді болмаса да, вакцинация бағдарламасы аурушаңдық пен өлімді төмендетуге көмектеседі деп сенеді.