Атырау облысында 84 адам коронавирус індетін жұқтырды, - деп хабарлайды Атырау облыстық денсаулық сақтау басқармасының баспасөз қызметі.
Ауру жұқтырғандардың 3-еуі - Атырау қаласынан тіркелген. Скрининг нәтижесінде Теңіз кенішінен 78 жұмысшыдан, Қызылқоға ауданынан - 2, Мақат ауданында 1 адамнан анықталған. Covid-19 инфекциясын жұқтырған 10 адамда ауру симптомды түрде өтуде.
Өткен тәулікте коронавирус инфекциясынан 51 адам емделіп шықты. Қазіргі уақытта 367 адам үй жағдайында емделуде. Облыстық инфекциялық стационарда 85 науқас, ал аудандардағы инфекциялық стационарларда 36 адам ем қабылдауда. Атырау облысы коронавирустың таралу қарқыны бойынша «қызыл» аймақта қалып отырғанын атап өтеміз.