Мазақ етем деп қорқытып, ақша талап еткен

51 жастағы Атырау қаласының тұрғыны өзінің бір танысы 50 мың теңге талап етіп, бопсалап жүргені туралы полицияға арызданады. Егер ақша бермесе, әлеуметтік желіге оның ұятты бейнежазбасын таратып жіберемін деп қорқытқан екен.

- 19 қаңтарда арызданушы С.Датов көшесіндегі банктердің бірінің филиалына барып, бопсалаушының көзінше оның есепшотына ақша аудара бастаған. Сол сәтте полиция күдіктіні ұстап алды, - деп хабарлады ПД. Ол 32 жастағы Өзбекстан азаматшасы екен. ҚР ҚК 194-бабымен  («Қорқытып алу») сотқа дейінгі тергеу амалдары жүргізілуде.

Айнұр САПАРОВА