ХҚКО қалай жұмыс істейді

Сенбі мен жексенбіде халыққа қызмет көрсету орталықтары, оның ішінде мамандандырылған ХҚКО жұмыс істемейді. Бұл туралы Атырау облысының бас мемлекеттік санитар дәрігерінің жаңа қаулысында айтылған.

"Халыққа қызмет көрсету орталықтарының (бұдан әрі-ХҚКО), оның ішінде мамандандырылған ХҚКО-лардың жұмысын 9.00-ден 18.00-ге дейін ұйымдастырылсын. Сенбі және жексенбі күндері тоқтата тұру.Карантин шараларын қамтамасыз ету үшін ХҚКО-ға және арнайы ХҚКО-ға бару Egov.kz, телеграмм-бот EgovKZBot 2.0 арқылы алдын ала жазылу бойынша жүзеге асырылсын;

Мемлекеттік көрсетілетін қызмет орталықтарында мемлекеттік кіріс ғимараттарының жұмыс уақыты кестесін белгілей отырып, ұйымдастырылсын. Карантин шараларын сақтау үшін мемлекеттік кіріс органдарына (Атырау қ. бойынша МКБ-ы www.kgd.gov.kz сайты, E-salyq мобильді қосымшасы арқылы кезекті алдын ала жазылу) немесе қалған өңірлердегі аумақтық басқармалар қоңырау шалу арқылы алдын ала жазылу бойынша халыққа қызмет көрсетулерін ұсынылады", - делінген қаулы мәтінінде.