Атырау полицейлері есірткі сайтын жарнамалаған азаматшаны ұстады.
Соңғы кездері үй қабырғалары мен қақпаларда есірткі құралдары мен психотроптық заттарды насихаттайтын бірнеше сайттың жарнамалары пайда болды. Полиция қызметкерлері осы іске күдікті – облыс орталығының 33 жастағы тұрғынын анықтап, ұстады.
ПД баспасөз қызметінің хабарлауынша, ҚР ҚК-тің 299-1-бабы 1-тармағы (Есірткі құралдарын насихаттау немесе заңсыз жарнамалау) бойынша сотқа дейінгі тергеп-тексеру жұмыстары басталған.
Айнұр САПАРОВА