Сенатор Дүйсембаев үкіметтен Атырауға көбірек ақша қалдыруды сұрады

Атырау облысынан жаңадан сайланған сенатор Ғұмар ДҮЙСЕМБАЕВ Сенат отырысында Премьер-Министрден есептеу әдістемесін қайта қарап, республикалық бюджеттен біздің өңіріміздің бюджетіне бөлінетін трансферттер көлемін ұлғайтуды сұрады.

Оның айтуынша, Атырау облысы 2020-2022 жылдары республикалық бюджетке 642 млрд теңгені, оның ішінде 2021 жылға - 213,7 млрд теңгені аударуы керек. 

– Бюджет алымының көлемі осындай болғанда, облыстық бюджет республикалық бюджеттен 56,9 млрд тенге алады. Яғни, алым үлесі 26,6% құрайды. Салыстыру үшін - Маңғыстау облысында жергілікті бюджеттен 8,2 миллиард алым алып тастағанда ол орталықтан 62,7 миллиард алады, яғни 765 пайыз, - деді Дүйсембаев.

Сенатор қаржыландыруды ұлғайтуды қажет болатын бірқатар проблемаларды атады.

- Қазіргі уақытта 2018-2019 жылдары басталған бюджеттік инвестициялық жобаларды толығымен аяқтау үшін облысқа қосымша 76,3 миллиард теңге қажет, ал жергілікті бюджеттің даму тұрғысындағы мүмкіндігі 30 миллиард шегінде, - деді Ғ.Дүйсембаев.

Жол, ауыз су, газдендіру саласында да проблемалар бар; тұрғын үй мен мектептердің тапшылығы сезіледі.

- 2019 жылдың қорытындысы бойынша облыстық және аудандық маңызы бар жолдардың «жақсы» және «қанағаттанарлық» күйі 57% болады. Осы көрсеткіш бойынша өңір республикада 15-орында тұр. Автомобиль жолдарының шамамен 94%-ы қара жол. Бұдан басқа, 153 ауылдық елді мекеннің 12-сі әлі күнге дейін ауыз сумен қамтылмаған, 18-іне газ берілмеген. Осы жылдың басында апатты жағдайда тұрған 79 үй тіркелді. Мектептің жетіспеуіне байланысты оның 11-інде сабақтар үш ауысымда өтеді, - деді Сенат депутаты.

Дайындаған Нұргүл ХАЙРУЛЛИНА