2-ауысымдағы төменгі сынып оқушылары үйде қалды. Жел үш мектептің шатырын ұшырды

Бүгін, 14 қаңтарда кезекші сыныпқа баратын 1-4 сынып оқушылары үйлерінде қалды. Ауа райының қолайсыздығына байланысты білім беру басқармасы осындай шешім қабылдады. Бұл екінші ауысымға қатысты, ал бірінші ауысым бүгін сабақтарын оқып үлгерді. 

Бүгін қатты желдің салдарынан Мақат ауданындағы Сарғұнанов, Шәріпов мектептері мен музыка мектебінің шатыры ұшты. Білім беру басқармасы басшысының орынбасары Айнагүл ДҮЙСЕКЕНОВА Сарғұнанов мектебінің 2017 жылы пайдалануға берілгенін, ал Шәріпов мектебі 2019 жылы күрделі жөндеуден өткенін айтты. Қазір ол жерде қалпына келтіру жұмыстары жүріп жатыр. 

Нұргүл ХАЙРУЛЛИНА