8 қаңтарда Атырау қаласының орталық көшелерінде жарыс ұйымдастырған жүргізушілердің жеке басы анықталды.
Полиция департаментінің баспасөз қызметі хабарлағандай, іздеу кезінде қаланың 24-25 жастағы үш тұрғыны анықталды. Үшеуіне де ҚР ӘҚБтК-нің 597 бабы 3 бөлігі («Басқа көлік құралдарының жүруіне кедергі жасауға әкеп соқтыратын көлік құралдарын жол бойында тоқтату немесе қою ережелерін бұзу») бойынша әкімшілік хаттама толтырылды. Оларға 10 АЕК - 29170 теңге көлемінде айыппұл салынды.
Естеріңізге сала кетсек, 6 қаңтарда әлеуметтік желіде Cadillac Escalade, Nissan Skyline және Toyota Hilux көлікгі жүргізушілерінің Бейбарыс даңғылында жарыс ұйымдастырып, жол қозғалысының басқа қатысушыларына кедергі келтірген бейнежазбасы пайда болған-ды.
Айнұр САПАРОВА
Бейнежазба әлеуметтік желіден алынды