Макс Боқаев 4 ақпанда босатылады

Бұл туралы «AЖ»-ға оның досы әрі үзеңгілесі Талғат АЯН хабарлады. Аянның айтуынша, Макс оған колониядан таксофоннан қоңырау шалыпты - колония әкімшілігі Максқа оның жақын арада босатылатынын хабарлаған.

Бұдан басқа, 19 қаңтарда сағат 15.30-да №2 Атырау қалалық сотында Макс Боқаевқа қатысты әкімшілік қадағалауды белгілеу туралы сот отырысы жоспарланған.

ҚР Қылмыстық-атқару кодексінің 171-бабына сәйкес, "әкімшілік қадағалау қауіпті қайталануы кезінде жасалған қылмыстары үшін, сол сияқты террористік немесе экстремистік қылмыстары, кәмелетке толмағандарға жыныстық тиіспеушілікке қарсы қылмыстары үшiн жазасын өтеген адамдарға белгіленеді".

Сот әкімшілік қадағалау мерзімін 6 айдан 2 жылға дейін тағайындай алады. Осы кезеңде адам пробация қызметіне ай сайын белгіленіп тұруы керек, түнде үйінен шықпауы, қаладан және елден кетпеуі керек. Сонымен қатар, бірқатар шектеулер бар, олар бұзылса, нақты бас бостандығынан айыруы мүмкін.

- Әкімшілік қадағалау босатылған террористер мен педофилдерді бақылауға арналған. Максқа қатысты мұндағы жалғыз мақсат - оның қоғамдық қызметіне бақылау жасау, - дейді Талғат Аян.

Естеріңізге салсақ, 2020 жылы 28 қыркүйекте Макс Атыраудағы ерлер колониясына ауыстырылды, ол бұған дейін Ақтөбе облысындағы колонияда болды.

Желтоқсан айында «AЖ» редакторы Азамат Майтановқа онымен кездесуге екі мәрте рұқсат бермеді. Екі сағат күткеннен кейін УГ-157/9 бастығы Думан ТӘЖЕНОВ колониядағы күшейту шараларын сылтауратып, кездесуге рұқсат беруден бас тартты. Бірақ Тәуелсіздік мерекесінен кейін рұқсат беруге уәде берді. Тәженов келесіде карантинді алға тартып, кездесуге тағы рұқсат бермеді. Макс Боқаевтың өзі бұл туралы «Орал апталығы» басылымындағы әріптестерімізге былай деп комментарий берген:

– 15 желтоқсанда Азамат Майтановпен («Ақ Жайық» тәуелсіз басылымының бас редакторы - автор ескерт.) кездесуім керек еді. Бірақ подполковник Тәженов соңғы сәтте бұл кездесуге тыйым салды. Келесі күні, 16 желтоқсанда, дәл сол Тәженов мені туыстарыммен 15 минуттық телефон арқылы сөйлесуден айырды. ҰҚК-нің кураторлары мені телефон қоңырауынан айырғанын түсіндім, өйткені олар бұл күні мен бұл наразылықтарға әсер ете алады деп қорықты.

Нұргүл ХАЙРУЛЛИНА