Facebook, Twitter және Youtube Дональд Трамптың аккаунтын блоктап тастады

2 360 просмотра

Instagram, Facebook, Twitter және Youtube Дональд Трамптың аккаунтын блоктап тастады, деп хабарлайды ҚазАқпарат.

Бүгін Instagram мен Facebook Трамптың аккаунтын - 24 сағатқа, ал Twitter 12 - сағатқа блоктады. Осы әлеуметтік желілермен бірге Youtube те Трамптың Капитолий маңында жақтастарына жолдаған видеоүндеуін көрсетпей тастады.

Әлеуметтік желілердің әкімшілігі бұл видео олардың талаптарын бұзатынын мәлім етті. Бұл - АҚШ президенті осы уақыт аралығында аталмыш платформаларда ештеңе жариялай алмайды деген сөз.

Еске сала кетейік, кеше АҚШ конгресі сайлаушылардың даусын есептеп, 2020 жылғы президент сайлауының қорытындысын шығару үшін жиналған болатын.

Осы күні Дональд Трамп жақтастарының жаппай наразылық акциясынан кейін оған қатысушылардың бір тобы конгресс ғимаратына басып кірді. Дональд Трамп осының алдында Вашингтонның ортасында мыңдаған адам жиналған митингте сөз сөйлеп, өзінің жеңілгенін мойындамайтынын айтқан.

Сөйтіп өзіне сенетін қауымды Капитолий ғимаратына барып, наразылық білдіруге шақырды. Билік Вашингтонда коменданттық сағат енгізді.

7 қаңтар 2021, 11:45

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.