Йемен әуежайындағы жарылыстан 10 адам қаза болды - БАҚ

Оңтүстік Йеменде Адендегі әуежайда болған жарылыстан қаза тапқандар саны онға жетті, 20-дан аса адам жарақат алды, - деп хабарлады tengrinews.kz басылымы РИА Новостиге сілтеме жасап. 

Бұған дейін бес адам қаза болғаны хабарланған. Кейін құрбандар саны 10-ға жеткен.  

Жаңа үкімет мүшелері ұшып келген кезде әуежайда бірнеше қатты жарылыс болған.

Дереккөздің агенттікке айтуынша, министрлер зардап шеккен жоқ, өйткені төтенше жағдай кезінде олар ұшақта болған. Кейін олар үкімет сарайына жеткізілген. Әуежай ғимараты мен оның айналасындағы аймақтарды қауіпсіздік күштері қоршауға алды.

Дереккөз мәліметінше, Йеменнің оңтүстік-батысындағы Таиз провинциясында "Ансар Алла" (хуситтер) бүлікшілері бақылауындағы аймақтардан зымыран ұшқан, жарылысқа сол себеп болды деген ақпарат бар.