Атырауда полицейлер 29 жастағы азаматтың 2 миллион теңгесін жымқырды деген күдікпен әйелді ұстады.
- 22 желтоқсанда Нұрсая ықшамауданының тұрғынынан өтініш түсті. Бұған дейін 38 жастағы әйел өзіне сенім артып, мемлекеттік бағдарлама бойынша 3 бөлмелі пәтер алуға көмектесуге уәде беріп, сол «қызметі» үшін одан 2 миллион теңге алған. Нәтижесінде, ақшасыз және уәде етілген пәтерсіз қалған қала тұрғыны алаяқтың қолына түскенін түсінді, - деп хабарлады полиция департаментінің баспасөз қызметі.
Аталған фактіге қатысты ҚР ҚК 190-бабы («Алаяқтық») бойынша сотқа дейінгі тергеу амалдары жүргізілуде.
Айнұр САПАРОВА